စပျစ်ပင်စိုက်ပျိုးနည်းစနစ်များ
====================
စပျစ်စိုက်ပျိုးရာတွင် အကြမ်းအားဖြင့် ပင်ထောင်စိုက်နည်း၊ ချုံပုတ်သဏ္ဍန် စိုက်နည်း၊ ကြိုးတန်းတင် စိုက်နည်းနှင့် စင်တင်စိုက်နည်း ဟူ၍ လေးမျိုးရှိသည်။
ပင်ထောင်စိုက်နည်း
----------------------
များစွာကြီးထွားခြင်းမရှိသော စပျစ်မျိုးများကိုသာ စိုက်ပျိုးသည်။ စပျစ်ပင်များကို တစ်တန်းနှင့် တစ်တန်း ၃-၁၀ ပေ အထိ လည်းကောင်း၊ တစ်ပင်နှင့်တစ်ပင် သုံးပေ ဆယ်ပေအထိလည်းကောင်း ခွာပြီး မျိုးကိုလိုက်၍ စိုက်ပျိုး ကြပါသည်။ စပျစ်ပင်များအမြင့်ငါးပေခန့်ရှိလျှင် တစ်ပင်လျှင် တိုင်တစ်တိုင်စီထူ၍ ကပ်ပြီး ချည်ထားရသည်။
ချုံပုတ်သဏ္ဍန်စိုက်နည်း
-------------------------
ကောင်းစွာကြီးထွားခြင်းမရှိသော စပျစ်မျိုးကိုသာ အသုံးပြုသည်။ စပျစ်ပင် များကို တစ်တန်းနှင့် တစ်တန်း၊ တစ်ပင်နှင့်တစ်ပင် မျိုးကိုလိုက်၍ သုံးပေမှ ဆယ်ပေအထိ ထားပြီး စိုက်သည်။ အပင်ငယ်စဉ်တွင် တိုင်ထောင်ပေးရပြီး ပင်စည်များ တုတ်လာလျှင် တိုင်များကို ဖယ်ထုတ်ပေးရသည်။
ကြိုးတန်းတင်စိုက်နည်း
-------------------------
ကြိုးတန်းတင်စိုက်နည်းတွင် လေးကိုင်း တန်းတင်စနစ်၊ သုံးကိုင်းတန်းတင် စနစ်နှင့် ယပ်တောင်သဏ္ဍန် တန်းတင်စနစ်ဟူ၍ သုံးမျိုးရှိပါသည်။
စပျစ်မျိုးများ၏ ကြီးထွားမှုကိုလိုက်၍ အတန်းကြား သုံးပေ ၁၂ ပေ အထိ လည်းကောင်း၊ အပင်ကြား သုံးပေ ၁၀ ပေအထိလည်းကောင်း စိုက်ပြီး တိုင်များကို ပေ ၃၀ တွင် တစ်တိုင်စီစိုက်၍ သွပ်ကြိုးတန်းကို တစ်တန်း ၊ နှစ်တန်း စသည်ဖြင့် တန်းပြီး စပျစ်ကိုင်းများကို သွပ်ကြိုးတန်းပေါ်တင်၍ စိုက်နည်းများ ဖြစ်ပါသည်။
စင်တင်စိုက်နည်း
--------------------
စပျစ်ပင်များကို ဘူးစင်ကဲ့သို့ စင်များထိုးပေးပြီး စပျစ်ကိုင်းများတင် စိုက်သော နည်းစနစ် ဖြစ်သည်။ မြန်မာနိုင်ငံတွင် ဤနည်းဖြင့် အောင်မြင်စွာ စိုက်ပျိုး လျှက်ရှိပါသည်။
မြန်မာနိုင်ငံတွင် လေးကိုင်းတန်းတင်စိုက်နည်းနှင့် စင်တင်စိုက်နည်းကို အသုံးပြုလျှက် ရှိပါသည်။
#Pissaya_Info
Source by - လယ်/ဆည်
No comments:
Post a Comment