ေ​မ်ာလမြိုင်​​ဆန်ဘိန်းမုန့်လေး

ချစ်သောမောင်နှမများအားလုံးမင်္ဂလာပါရှင်။ ဒီနေ့တော့ မောင်နှမတွေ မေးထားတဲ့ ဘိန်းမုန့်ထဲက အလွယ်တကူလုပ်လို့ရပြီး စားလို့လည်းကောင်းမယ့် ဆန်ဘိန်းမုန့်လေး လုပ်စားရအောင်နော်။ အခုပြောပြမယ့်နည်းက ကျွန်မရဲ့ မွေးရပ်မြေက လုပ်တဲ့ ဘိန်းမုန့် လုပ်နည်းလေးပါနော်။ ရန်ကုန်မှာ ရောင်းတဲ့ ဘိန်းမုန့်လုပ်နည်းနဲ့ ကွဲပြားပါတယ်နော်။
          ဆန်ဘိန်းမုန့်လုပ်ဖို့အတွက် လိုအပ်တဲ့ပစ္စည်းတွေကတော့ ဆန် နို့ဆီဗူးတစ်ဗူး၊ ထမင်းကြမ်းအနည်းငယ်၊ ကြက်ဥတစ်လုံး၊ စားဆိုဒါ လက်ဖက်စားဇွန်း (၁) ဇွန်း၊ သကြား အနည်းငယ်၊ အုန်းသီး တစ်ခြမ်း၊ မြေပဲ အနည်းငယ်၊ ဆားအနည်းငယ်၊ နှမ်းစေ့အနက် အနည်းငယ်၊ ထောပတ်/ဆီအနည်းငယ်တို့ပါနော်။
          ဆန်ကိုမနက်ကျရင် ကြိတ်မယ်ဆိုရင် ညကတည်းက ရေစိမ်ထားပေါ့နော်။  ပြီးတော့မှ မုန့်ကြိတ်ပါနော်၊ မုန့်ကြိတ်တဲ့အခါ ထမင်းကြမ်းလေး ထည့်ကြိတ်မှ မုန့်ပွတယ်လို့ လူကြီးတွေက ဆိုကြတယ်နော်။ မုန့်ကြိတ်တဲ့အခါ မုန့်ရည်ပျစ်ပျစ်လေးဖြစ်နေအောင် ကြိတ်ပေးထားပါနော်။ ပြီးတော့မှ ဆိုဒါမှုန့်လေးရောပြီးတော့ အနည်းဆုံး သုံးနာရီလောက် မုန့်ကို နှပ်ပေးထားလိုက်ပါနော်။ ပြီးရင် ကြက်ဥတစ်လုံးလောက်ကို မွနေအောင်ခေါက်ပြီး မုန့်နှစ်ထဲ ထည့်နှပ်ပေးပြီး တစ်နာရီလောက် ထပ်နှပ်ပေးထားပါနော်။
          မြေပဲနဲ့ နှမ်းကို လှော်ထားပေးပြီး မြေပဲကိုလေးစိတ်ကွဲလေးရအောင်ထုပေးထား၊ နှမ်းလေးကိုလည်း ပန်းကန်လုံးလေး တစ်လုံးထဲ ထည့်ပေးထားပါနော်။ အုန်းသီးလေးတွေကို မျှင်မျှင်လေးရနေအောင် ခြစ်ပေးထားပါနော်။
          အားလုံးအသင့်ဖြစ်တဲ့အခါ မုန့်ဖုတ်ဖို့အတွက် မီးဖိုပေါ် ဒယ်အိုးတင်၊ ဒယ်အိုးပူလာရင်  ထောပတ်လေးနည်းနည်း သုပ်လိုက်ပါနော်။ ပြီးရင် မုန့်ရည်ကို ဟင်းချိုခပ်တဲ့ ယောက်ချိုဇွန်း လတ် တစ်ဇွန်းစာလောက် ဒယ်အိုးထဲ လှလှပပ ထည့်လိုက်ပါနော်။ ပြီးရင် အပေါ်ကနေ မြေပဲဆန်ရယ်၊ နှမ်းအနက်စေ့လှော်လေးတွေရယ်၊ အုန်းသီးဖတ်လေးတွေရယ် ဖြူးလိုက်ပါ နော်။ ပြီးတော့မှ အပေါ်ကျဲကျဲ၊ အောက်မီးသင့်ရုံနဲ့ ဖုတ်ပေးပါနော်။ ၃ မိနစ်လောက်နေရင် မုန့်လေးတွေ ပွလာတဲ့အခါကျရင် မုန့်ကို ကလော်ပြီးတော့ ဗန်းထဲထည့်၊ ပူပူနွေးနွေးလေးနဲ့ ဆိမ့်ဆိမ့်လေး သုံးဆောင်နိုင်ပါတယ်နော်။ နောက်ထပ်မုန့်တစ်ခု ထပ်လုပ်တော့မယ်ဆိုရင် ဒယ်အိုးမှာ ကပ်နေတဲ့ မုန့်ဖတ်လေးတွေ မရှိတော့အောင် စုတ်တံလေးနဲ့ သုပ်ပစ်ပြီး၊ ထောပတ်လေး ထပ်သုပ်ပြီးတော့ နောက်တစ်ခု ထပ်လုပ်ပေါ့နော်။ မော်လမြိုင်ဘိန်းမုန့်က အချိုအရသာက ပါတယ်ဆိုရုံလေးပါပဲ၊ ဆိမ့်ဆိမ့်လေးပေါ့နော်။ ပြီးတော့ နှမ်းနက်စေ့လေးနဲ့ ဆိုတော့ အနံ့အရသာရော၊ မုန့်ရဲ့အလှကလည်း မုန့်ဖြူဖြူဖွေးလေးပေါ်မှာ မြေပဲဆန် ညိုတိုတိုရယ်၊ နှမ်းစေ့နက်လေးရယ်၊ အုန်းသီးမျှင်ဖြူဖြူလေးတွေနဲ့ဆိုတော့ ကြည့်ရတာ အမြင်လည်းလှတယ်၊ တစ်မျိုးလေးမို့လို့  လုပ်စားကြည့်ကြပါဦးလို့ မောင်နှမတွေကို တိုက်တွန်းလိုက်ပါတယ်နော်။ မမလုကတော့ ဒီပို့စ်အတွက် တင်စရာ ဓာတ်ပုံမရှိသေးပါ၊ ဘိန်းမုန့်လုပ်နည်းတောင်းဆိုထားတဲ့ မောင်နှမတွေအတွက် အကြွေးဆပ်ပေးတာပါနော်။ မောင်နှမတွေထဲက ဘိန်းမုန့်လုပ်ပြီးတဲ့သူဆီက ဓာတ်ပုံရရင် ပြန်တင်ပေးမှာမို့ ဘိန်းမုန့်လုပ်စားဖြစ်ရင် မုန့်လုပ်စဉ်မှာ တွေ့ရခဲ့ အခက်အခဲတွေနဲ့ကြုံရတဲ့ အတွေ့အကြုံရယ်၊ ဓာတ်ပုံလေးရယ် ပို့ပေးကြပါနော်။ မမလု မျှော်နေမယ်နော်မောင်နှမတို့ရေ့့့ 
          (မမလုရေ့့  ကျွန်တော်/ကျွန်မတို့က ဆန်ဘိန်းမုန့်လုပ်စားချင်ပါတယ်၊ ဆန်ကို မကြိတ်ဘဲ ဆန်မှုန့်ကိုသုံးရင် ရမလားဆိုရင်လည်း ရပါတယ်နော်။ ဆန်မှုန့်ကိုသုံးမယ့်အတွက် မုန့်ပွဖို့ ထမင်းကြမ်းကို ဘယ်လိုကြိတ်ပြီး ထည့်ရမလဲဟင့့့် ဆိုရင်တော့ ဆန်မှုန့်ကို ခပ်ကျဲကျဲကျိုိထားပြီး တစ်ရက်ကြိုတင်ပြီး အချဉ်ဖောက်ထားလိုက်ပါနော်၊ ပြီးတော့မှ မုန့်နှစ်ဖျော်တဲ့အထဲ ထည့်ပြီး သမအောင် မွှေလိုက်ပြီးရင် သုံးနာရီလောက် အနည်းဆုံးနှပ်ထားပေးလိုက်ရင် ရပါတယ်နော်။)

ဝက်သားသုံးထပ်သား နာနတ်သီးချက်​

ဝက်သားနာနတ်သီးချက်အတွက် လိုအပ်တဲ့ပစ္စည်းတွေကတော့ ၀က်သား သုံးထပ်သား ကီလိုဝက်ကို နာနတ်သီး အလုံး သေး တစ်လုံး၊ ကြက်သွန်ဖြူ၊ ကြက်သွန်နီ၊ ချင်း၊ နာနတ်ပွင့် (Star Anise) အနည်းငယ်၊ ဆား၊ ပဲငံပြာရည်အပျစ်၊ သကြား၊ ဟင်းခတ်မှုန့်အနည်းငယ်နဲ့ ဆီတို့ပါနော်။

ဝက်သားကို သန့်စင်အောင်ဆေးကြောပြီးရင် အနေတော် အတုံးလေးတွေရအောင်တုံးပါ။ ပြီးရင် ၀က်သားကို ဆား၊ သကြားအနည်းငယ်၊ ဟင်းခတ်မှုန့်အနည်းငယ် တို့နဲ့ နှံ့အောင်နယ်ပေးပါနော်။ ကြက်သွန်ဖြူကို ဓားပြားရိုက်ထားပေးပါ။ ကြက်သွန်နီကို လေးစိတ်ထိုးပေးထားပါ။ ချင်းကို အချောင်းလေးတွေ ရအောင်လှီးပေးထားပါနော်။ နာနတ်ပွင့် မှာက ပွင့်ဖတ်လေး
ရှစ်ဖတ်လောက်ပါတတ်ပါတယ်။ ဟင်းအိုးထဲထည့်တဲ့အခါ ၀က်သား တစ်ကီလိုအတွက် နာနတ်ပွင့်ဖတ် ၃ ဖတ်လောက် ထည့်ရင် ရပါပြီနော်။ နာနတ်သီးကိုတော့ အခွံနွှာ၊ အူတိုင်ထုတ်၊ မျက်စိတွေ လှီးထုတ်၊ ရေဆေးပြီး အရွယ်တော် အတုံးလေးတွေ တုံးပေး ထားပါနော်။

အားလုံးအသင့်ဖြစ်တဲ့အခါ မီးဖိုပေါ် ဒယ်အိုးတင်၊ ဒယ်အိုးပူလာပြီဆိုရင် နယ်ထားတဲ့ ၀က်သားတွေကို လှော်ပေးပါ။ ၀က်သားတွေကို မီးပြင်းပြင်းနဲ့လှော်လိုက်ရင် (၀က်သိုးနံ့)လို နံတဲ့အနံ့တွေ ပျောက်သွားပါတယ်။ လှော်တဲ့အထဲကိုနာနတ်ပွင့် တွေ ထည့်လှော်လိုက်ပါ။ ၀က်သားတွေ ရေခြောက်သွားပြီး နာနတ်ပွင့်နံ့လေးလည်း သင်းလာပြီဆိုရင် ၀က်သားတွေကို ခဏ ဆယ်ယူလိုက်ပါ၊ ပြီးတော့ ဒယ်အိုးထဲကို ဆီထည့်၊ ဆီပူလာရင် ကြက်သွန်ဖြူနီချင်းတို့ကို ထည့်ပြီး ဆီသတ်ပါနော်။ ကြက်သွန် ဖြူနီကို တော်တော်နွမ်းသွားအောင်အထိ ဆီသတ်ပေးပြီး တော့ ၀က်သားတွေကို ထည့်ပြီး မွှေပေးပါ။ ပြီးတော့မှ ၀က်သားမြုပ်ရုံ ရေထည့် အဖုံးဖုံးပြီး မီးအသင့်အတင့်နဲ့ တည်ပေးပါ။ ရေခမ်းခါနီးကျရင်တော့ တစ်ခါထပ်မွှေ၊ ပြီးရင် ရေထပ်ထည့်၊ (၂) ရေ လောက်ခမ်းပြီဆိုရင် ပဲငံပြာရည်အပျစ်လေးထည့်ပြီး ရေခမ်းအောင်မွှေ၊ ပြီးတော့မှ နာနတ်သီးစိတ်လေးတွေ ထည့်ပြီး ၀က်သား တွေနဲ့ နှံ့အောင်မွှေ၊ နာနတ်သီးထဲက ထွက်လာ မယ့် ချိုချဉ်အရသာလေးတွေက ၀က်သားထဲ ၀င်အောင်၊ ၀က်သားထဲကအဆီ အနှစ်တွေ ကလည်း နာနတ်သီးထဲ ၀င်အောင်မီးမျှင်းမျှင်းနဲ့ ဆီပြန်တဲ့အထိ တည်ပေးပါနော်။ ဆီပြန်ပြီဆိုရင်တော့ အပေါ့အငံ အရသာမြည်း၊ လိုအပ်တဲ့အရသာထပ်ဖြည့်ပြီး ဟင်းအိုးချလို့ရပါပြီနော်။ အဲ့ဒါဆိုရင် အနံ့လည်းမွှေး အအီလည်းပြေအရသာ လည်း ရှိတဲ့ ၀က်သားသုံးထပ်သား နာနတ်သီး ချက်လေး ရပါပီ

ဘ်ိန်းမုန်

ပထမဦးဆုံး ချက်ပြီးသားထမင်းကိုနည်းနည်းယူပြီးကျိူလိုက်ပါတယ်။ maria မှာ ဘိန်းမုန်.မဖြစ်တဲ့ အတွေ.အကြုံရှိနေတော့ ဒီက ဆန်မှုန်.ကိုကျိုရင် အချဉ်မပေါက်မှာဆိုလို. ပါ။ maria ကတော့ ထမင်းကိုပဲသုံးလိုက်တာပါ။ ပြီးတော့မှ ဆန်မှုန်.နို.ဆီဘူးတစ်လုံးခွဲနဲ. ရောလိုက်ပါတယ်။ ထန်းညက်ရေ ထည့်ပါတယ်။ ဆားထည့်ပါတယ်။ နှပ်ထားလိုက်ပါတယ်။ လုပ်ခါနီးမှ maria ကြက်ဥတစ်လုံးထည့်ပါတယ်။ မုန်.လုပ်မယ့်ဗန်းကို ထောပတ်အနည်းသုပ် ပါတယ်။မုန်.နှစ်ထည့်ပါတယ်။ ပြီးတော့မှ အုန်းသီးကိုဖြူးပါတယ်။ ဘိန်းစေ့နဲ. မြေပဲစိမ်းကို ထည့်ပါတယ်။ မုန်.သားကို ပွလာရင်း သိသာပါတယ် အမ။ မုန်.သားမျက်နှာပြင် အပေါက် ကလေးတွေ ဖြစ်လာပါတယ်။ အောက်မျက်နှာပြင်သားရရင် မုန်.ကိုလှန်လိုက်ပါတယ်။ပြီးတော့ အပေါ်ကို နည်းနည်း အပူပေးပါတယ်။ အဆင်ပြေတယ်နော် အမ။ စားလို.လည်း ကောင်းပါတယ်။ မုန်.လည်းပွပါတယ်။ ဒါကတော့ maria ရဲ. အောင်မြင်သွားတဲ့ ဘ်ိန်းမုန်. လုပ်နည်းလေးပါ။

ကဏန်းသားဘဲဥ​ကြော်​

လိုအပ်တဲ့ပစ္စည်းတွေကတော့ အသားနွှင်ထားတဲ့ကဏန်းလက်မ၊ ဘဲဥ/ကြက်ဥ၊ ကြက်သွန်ဖြူ၊ ကြက်သွန်နီ၊ ချင်း၊ ငရုတ်သီးခြောက် အပုပွတောင့်၊ ပဲငံပြာရည်အကျဲ၊ ပဲငံပြာရည် အပျစ်၊ ဆီ၊ သကြား၊ ဆား၊ ဟင်းခတ်မှုန့်၊ တရုပ်မာဆလာအနည်းငယ်နဲ့ ကြက်သွန်မြိတ်အနည်းငယ်တို့ပါနော်။
          ကဏန်းလက်မအသားချည်းသက်သက်ကတော့ စီးတီးမတ်တွေမှာ ၀ယ်လို့ရပါတယ်။ freeze လုပ်ထားပေမယ့် တော်တော့်ကို လတ်ပါတယ်။ ကျွန်မက အလှူမှာ ဘုန်းကြီးဆွမ်းပွဲ ဟင်းလျာအတွက် ထည့်ချက်ချင်ပေမယ့် ကဏန်းက မလတ်ရင် ဗိုက်နာတတ်တာမို့ စိုးရိမ်ပြီး ပထမတစ်ရက် ကဏန်းသားကို ၀ယ်ပြီး အစမ်းချက်စားကြည့်ပါတယ်။ အိမ်သားအားလုံးက စားကောင်းတယ်၊ ဗိုက်လည်းမနာဘူးဆိုပြီး အတည်ပြုတော့မှ ဘုန်းကြီးဆွမ်းပွဲဟင်းလျာထဲ ထည့်ဖို့ ဆုံးဖြတ်ချက်ကျပါတယ်။        
          ကဏန်းလက်မက သန့်ပြီးသားဆိုတော့ ခဲတာလေးတွေ ပျော်အောင်ပဲ အပြင်မှာ ခဏထားပါတယ်။ အဲ့ဒီအချိန်မှာ ငရုတ်သီးအပုပွတောင့်ကို အညှာခြွေ၊ အစေ့ထုတ်ပြီးတော့ ရေနွေးပူပူနဲ့ စိမ်ပြီး ဆေးပစ်ပါတယ်။ ပြီးတော့မှ ငရုတ်သီးတွေကို ညက်နေအောင် ထောင်းပါတယ်။ ကြက်သွန်ဖြူ၊ နီ၊ ချင်းတို့ကိုလည်း အခွံနွှာ ရေဆေး၊ ကြက်သွန်နီကို အကွင်းလိုက်လေး လှီးပါတယ်၊ ကြက်သွန်ဖြူကို မညက်တညက်ကြိတ်ထားပါတယ်။ ချင်းကို ပါးပါးလွှာလွှာလေးတွေလှီးပြီးတော့မှ အရှည်လိုက် အချောင်းလေးတွေရအောင် ပြန်လှီးပါ တယ်။ ကြက်သွန်မြိတ်လေးတွေကိုတော့ သန့်ရှင်းရေးလုပ်ပြီးတော့ တစ်လက်မအရှည် လောက်လေးတွေ လှီးပေးထားပါနော်။ ဘဲဥ/ကြက်ဥကိုလည်း မွမွလေးဖြစ်နေအောင် ခေါက်ပေးထားပါနော်။
          အားလုံးအသင့်ဖြစ်တဲ့အခါကျရင် မီးဖိုပေါ် ဒယ်အိုးတင်၊ ဆီထည့်၊ ဆီပူလာရင် ကြက်သွန်ဖြူနီချင်းတို့ကို ထည့်ပြီး အရင် ဆီသတ်ပေးပါ။ ကြက်သွန်စိမ်းနံ့ပျောက်တာနဲ့ ငရုတ်သီးအနှစ်လေး တွေကို ရေနွေးလေးနဲ့ ရောဖျော်ပြီး ထည့်ပြီး ဆီသတ်ပေးပါနော်။ ပြီးရင် ကဏန်းသားလေးတွေကို ထည့်ပေး၊ တစ်လက်စတည်း ပဲငံပြာရည်အကျဲ၊ ဆားအနည်းငယ်နဲ့ ဟင်းခတ်မှုန့်လေးတို့ကိုပါ ထည့်ပြီး ကဏန်းသားလေးတွေ မကြေရအောင် သတိလေးနဲ့ ဖြေးဖြေးချင်း အထက်အောက် သမအောင်လှန်ပေးပါနော်။ ပြီးရင်တော့ အိုးမကပ်ရအောင်ရော အသားလေးတွေ အကျက်မှန်ရအောင် ရေလေးဖျန်းဖျန်းပြီးတော့ ချက်ပေးနော်။ အပေါ့အငန် အရသာကိုလည်း မြည်းပြီးတော့ စိတ်ကြိုက်ဖြစ်အောင် အရသာထည့်ပေးပါနော်။ ပြီးတော့မှ ခေါက်ထားတဲ့ ဘဲဥတွေကို နှံ့အောင် ထည့်ပေးပြီး တရုတ်မာဆလာလေး အနည်းငယ်ကို ထည့်ပေးလိုက်ပါ။ ပြီးရင် ကဏန်းသားနဲ့ ဘဲဥအားလုံးနှံ့အောင် အသာအယာ မွှေပေးပါနော်။ ပြီးတော့မှ ကြက်သွန်မြိတ်လေး အပေါ်ကနေ ဖြူးလိုက်ပေ့ါနော်။ အဲ့ဒါဆိုရင်တော့ အနံ့ အရသာနဲ့ ပြည့်စုံလှတဲ့ ကဏန်းလက်မဘဲဥကြော်လေး ရပါပြီနော်။
          တကယ်လို့ မြန်မာလိုချက်ချင်တယ်ဆိုရင်လည်း တရုတ်မာဆလာမထည့်ဘဲ ကုလားလေး မာဆလာရယ်၊ ငရုတ်သီးစိမ်းလေးတွေရယ်ထည့်ချက်ပါ၊ ပြီးတော့မှ မန်ကျည်း သီးနှစ်လေး အုပ်ပေးပါ။ ကျွန်မက အချဉ်မထည့်ဘဲ ချက်ရခြင်းအကြောင်းက ဟင်းရည် သောက်က ကင်မ်ချီဟင်းရည်ဖြစ်နေတာရယ်၊ ကျောက်ပွင့်ပုစွန်သုပ်ကလည်း အချဉ် ပါဦးမှာမို့ ကဏန်းသားဘဲဥကို ကြော်လိုက်တာပါနော်။

ငါးဖယ်လုံး​ကော်​ရည်​

  လိုအပ်တဲ့ပစ္စည်းတွေကတော့ ခေါက်ဆွဲ၊ ငါးဖယ်၊ ငါးဖယ်ရိုး၊ ပဲပြား၊ ကြွက်နားရွက်မှို၊ မုန်လာဥနီ၊ ကန်စွန်းရွက်၊ တရုတ်နံနံ၊ ကြက်သွန်မြိတ်၊ ချင်း၊ ကြက်သွန်ဖြူ၊ ချင်း၊ ဟင်းခတ်မှုန့်၊ ဆား၊ သကြား၊ ရှာလကာရည်၊ ကြက်သွန်ကြော်၊ ငရုတ်ကောင်းမှုန့်တို့ပါနော်။

          အချဉ်အတွက်တော့ ငရုတ်သီးစိမ်း၊ ငါးပိစိမ်းစားနဲ့ ရှောက်သီး/သံပရာသီးတို့ပါနော်။ ငရုတ်သီးစိမ်းလေးတွေကို အညှာခြွေ၊ ရေဆေးပြီး ပွက်ပွက်ဆူနေတဲ့ ရေနွေးထဲ ထည့်လိုက်ပါ၊ ပြီးတော့မှ ပြန်ဆယ်၊ အအေးခံပြီး မထူမပါးလေးလှီး၊ ဆားလေးနည်းနည်း၊ သကြားလေး နည်းနည်းနဲ့နယ်ပြီး ရှာလကာရည်လေးနဲ့ စိမ်ပေးထားပါနော်။ (ဒါကတော့ တစ်ညကြို လုပ်ထားရင် ပိုကောင်းပါတယ်နော်)။

          ပထမဆုံးမှာတော့ အိုးကြီးကြီးတစ်လုံးထဲမှာ ရေထည့်ပြီး ရေနွေးပွက်ပွက်ဆူအောင် တည်ပေးထားပါ။ အဲ့ဒီအချိန်မှာ ငါးဖယ်တွေကို ကြက်သွန်ဖြူချင်း၊ ဆား၊ သကြား၊ ဟင်းခတ် မှုန့်တို့နဲ့ ရောပြီး နာနာထောင်းပေးပါနော်။ ပြီးတော့မှ အလုံးလေးတွေ လုံးပေးထားပါ။ ပဲပြားကို လည်း ရေဆေးပြီး အတုံးသေးသေးလေးတွေ ဖြစ်အောင် တုံးပေးထားပါ။ ကြွက်နားရွက်မှိုကို ရေနွေးနဲ့ စိမ်၊ ရေအေးနဲ့ ဆေးပြီးတော့ မျှင်မျှင်လေးတွေ ရအောင် လှီးပေးထားပါ။ မုန်လာဥနီကို အခွံနွှာပြီး သေးသေးလေးတွေ ဖြစ်အောင် လှီးပေးထားပါ။ ကန်စွန်းရွက်တွေကိုတော့ အရိုးနဲ့ အရွက် သပ်သပ်စီ ချွေပေးထားပါနော်။ တရုတ်နံနံနဲ့ ကြက်သွန်မြိတ်တို့ကိုလည်း သန့်စင်အောင် ရေဆေး၊ ရေစစ်ပြီးတော့မှ ပါးပါးလှီးပေးထား ပါနော်။

ရေနွေးပွက်ပွက်ဆူလာရင် ချင်းနဲ့ ကြက်သွန်ဖြူတို့ကို မညက်တညက်လေးထောင်းပြီး ရေနွေးအိုးထဲ ထည့်ပေးပါ။  ပြီးရင် ငါးဖယ်ရိုးတွေကို ထည့်ပြီး ပွက်ပွက်ဆူအောင် တည်ပေးပါ။ ငါးဖယ်ရိုးအိုး ပွက်ပွက်ဆူပြီဆိုရင်တော့ ငါးအရိုးတွေ မပါအောင် ရေစစ်လေးနဲ့ အချိုရည် တွေကို သေချာစစ်ယူပြီးမှ အရိုးတွေကို လွှင့်ပစ်ပေးပါနော်။ ပြီးရင် ပွက်ပွက်ဆူအောင် ထပ် တည်ပေးပါ။ ဟင်းအိုးဆူပြီ ဆိုရင်တော့ လုံးထားတဲ့ ငါးဖယ်လုံးတွေထည့်ပြီး ပွက်ပွက်ဆူအောင် တည်ပေးပါ။ ငါးဖယ်လုံးလေး တွေက ဟင်းရည်အိုးထဲ ထည့်လိုက်တဲ့အချိန်မှာ ကျက်ပြီ ဆိုရင် ငါးဖယ်လုံးလေးတွေက ဟင်းအိုးအပေါ်တက်လာမှာနော်။ ပြီးရင်တော့ ဟင်းရည်အိုး ထဲကို တုံးထားတဲ့ ပဲပြားရယ်၊ ကြွက်နားရွက်မှိုလေးရယ်၊ ဆား၊ သကြား၊ ဟင်းခတ်မှုန့်တို့ကို ထည့်ပေးပြီး ဟင်းရည်လေး နည်းနည်းကျအောင် တည်ပေးထားပါ။ ပြီးရင်တော့ ကော်မှုန့် တွေကို ရေဖျော်ထားပြီးတော့ ဟင်းရည်အိုးထဲ ထည့်ပေးပါ။ ကော်ရည်ကို ဟင်းအိုးထဲ ထည့်တဲ့ အချိန်မှာ ကော်ရည်တွေ တစ်နေရာထဲမှာ ကျပြီး ခဲမသွားရလေအောင် ဟင်းရည်အိုးကို သတိထားပြီး မွှေပေးပါ။  ကော်ရည်တွေ ပွက်ပွက် ဆူလာအောင် တည်ပေးပါ။ ငါးဖယ်ရိုး၊ ငါးဖယ်လုံးနဲ့ ချက်ထားတာမို့ ငါးညှီနံ့ဖြစ်နေမှာကို မစိုးနဲ့နော်။ ချင်းများများ၊ ကြက်သွန်ဖြူ နိုင်နိုင်ထည့်ထားတာမို့ ငါးနံ့မလွှမ်းနေပါဘူးနော်။ ငရုတ်ကောင်းမှုန့်လေးလည်း ထည့်ပေးလို့ ရတယ်နော်။

စားခါနီးကျမှ ဟင်းရည်အိုးထဲကို မုန်လာဥနီနဲ့ ကန်စွန်းရိုးကို အရင်ထည့်ပြီး တည်ပါ။ ကန်စွန်းရွက်ကိုတော့ နောက်ဆုံး မှ ထည့်ပြီး ဆူပြီဆိုရင် အပေါ့ အငန်မြည်းပြီး ဟင်းအိုးချလို့ ရပါပြီနော်။ အသီးအရွက်ထဲမှာက ကိုယ်စိတ်ကြိုက်ဖြစ်မယ့် အသီး အရွက်တွေလည်း ထည့်လို့ ရသေးတယ်နော်။ ဥပမာ မုန်ညင်း၊ ပဲပင်ပေါက်တို့ ပန်းမုန်လာတို့ပေါ့နော်။ ဒါ့အပြင် ငုံးဥတို့ ဖက်ထုပ်တို့လည်း ထည့်ချင်ရင် ထည့်လို့ရတယ်နော်။ ကိုယ့်စိတ်ကြိုက်ပေါ့နော်။

 မီးအုံးထားတဲ့ ငါးပိစိမ်းစားထဲကို ကြက်သွန်ဖြူထောင်းလေးထည့်၊ သံပုရာရည်ရွှဲရွှဲ လေးဆမ်းပေးပါ။

အားလုံးအသင့်ဖြစ်ပြီဆိုရင်တော့ ပန်းကန်လုံးထဲကို ခေါက်ဆွဲထည့်၊ ကော်ရည်ခပ်ထည့်၊ ငါးဖယ်လုံး၊ ပဲပြား အဆာ ပလာနဲ့ ဟင်းသီးဟင်းရွက် မျှအောင် ခပ်ထည့်ပါ။ ပြီးတော့ ငရုတ်ကောင်းမှုန့်လေးဖြူး၊ ကြက်သွန်ကြော်လေးထည့်၊ ကြက်သွန် မြိတ်၊ တရုတ်နံနံလေးထည့်ပြီး ပွဲပြင်ပေးပါ။ ပြီးရင်တော့  ကင်မ်ချီလေးနဲ့ ဖြစ်ဖြစ်၊ ငါးပိထောင်း မီးကင် သံပုရာရည်ဆမ်း၊ ငရုတ်ချဉ်လေးနဲ့ တွဲဖက်ပြီး ပူပူနွေးနွေးလေး သုံးဆောင်ပါနော်။

ငှက်ပျောသီး နှစ်လွှာဆနွင်းမကင်းလေး

  လိုအပ်တဲ့ပစ္စည်းတွေကတော့ ရခိုင်ငှက်ပျောသီး တစ်ဖီး (ပြည်ပရောက်နေတဲ့ မောင်နှမတွေ အဖို့ ရခိုင်ငှက်ပျောသီးအစား သီးမွေးငှက်ပျောသီးကို အသုံးပြုနိုင်ပါတယ်ရှင်) တစ်ဖီး၊ ဂျုံမှုန့် ၁၅ ကျပ်သား၊ အုန်းသီး တစ်လုံး၊ ထောပတ် ၁၀ ကျပ်သား၊ သကြား ၁၀ ကျပ်သား၊ (အချိုအရသာ ပါဝင်မှုကို ကြိုက်နှစ်သက်တဲ့အပေါ် မူတည်ပြီး ထည့်နိုင်ပါတယ် နော်) ဆားအနည်းငယ်၊ မုန့်လုပ်ရာမှာ သုံးတဲ့ အရောင်မှုန့်(ဒီတစ်ခါ ၂ လွှာလုပ်မှာမို့ အနီရောင်နဲ့ အ၀ါရောင် အနည်းငယ်) တို့ဖြစ်ပါတယ်နော်။
          ငှက်ပျောသီးကို အလုံးလိုက် အခွံနွှာပေးထားပါ။ ကျွန်မအခုလုပ်မယ့်နည်းလေးက ကျွန်မတို့ ငယ်ငယ်တုန်းကတည်းက စားဖူးလာတဲ့ ငှက်ပျောသီး ဆနွင်းမကင်းမျိုးနဲ့မတူတာ မို့ ငှက်ပျောသီးတွေကို ကြေအောင် ခြေစရာမလိုဘဲ အလုံးလိုက်ထည့်ပြီး ဖုတ်မှာ ဖြစ်ပါ တယ်နော်။ အုန်းသီးကိုလည်း ခြစ်ပြီးတဲ့အခါ ဦးရေ ညှစ်ယူထားပြီး ကျန်တဲ့အုန်းသီးဖတ် တွေကို ဇလုံတစ်လုံထဲ သီးသန့်ထည့်ပေးထားပါနော်။
          ပြီးတဲ့အခါ ဇလုံကြီးကြီးတစ်လုံးကို ယူပြီးတော့ ဂျုံမှုန့်၊ အုန်းသီးဖတ်ရယ်၊ ထောပတ် သုံးပုံတစ်ပုံရယ်၊ ဆား၊ သကြားတို့ကို ထည့်ပြီး သမအောင် နာနာနယ်ပေးပါနော်။ နယ်တာ သမသွားပြီဆိုရင်တော့ နယ်ထားတဲ့ မုန့်တစ်ဝက်ကို အရောင်မှုန့်အနီနည်းနည်းကို ရေလေးနဲ့ ထည့်ဖျော်ပြီး ရောနယ်ပြီး ကျန်မုန့်တစ်ဝက်ကိုတော့ အရောင်မှုန့် အ၀ါရောင် နည်းနည်းကို ရေထည့်ဖျော်ပြီး ရောနယ်ပေးပါနော်။
 ပြီးရင် မုန့်ဖုတ်မယ့် အိုးထဲကို ထောပတ်သုံးပုံတစ်ပုံနဲ့ သုပ်လိမ်းပေးပါနော်။ ပြီးရင် အနီရောင်မုန့်သားကို ပါးပါးလေးထည့်ပြီး ငှက်ပျောသီးတစ်ဝက်ကို အလုံးလိုက်လေးတွေ ညီညီစီပေးပါ။ တစ်လုံးနဲ့တစ်လုံးလည်း နည်းနည်းလေးစီခြားပေးပေါ့နော်။ ပြီးတဲ့အခါ မုန့်သားအနီရောင်တွေကို ညီအောင်ဖြည့်ပြီး ထပ်ထည့်ပေးပါနော်။ အနီရောင်မုန့်သားပြီးရင် အ၀ါရောင်မုန့်သားနဲ့ ငှက်ပျောသီးတွေကိုလည်း ခုနကလိုပဲ ထည့်ပေးပါနော်။ မုန့်သားထည့် တဲ့အခါ ကျစ်ကျစ်လစ်လစ်လေး ထည့်ပေးရမှာဖြစ်ပါတယ်။ နောက်မဟုတ်ရင် မုန့်ပွပြီး လှီးတဲ့ အခါ ကြေကုန်မှာ စိုးလို့ပါနော်။ မုန့်သားထည့်ပြီးရင်တော့ အုန်းနို့ဦးရည်လေးတွေကို မုန့်ဗန်းအနှံ့ညီညီညာညာလေး ဖျန်းပက်ပေးပါနော်။
မုန့်ဖုတ်တော့မယ်ဆိုရင်တော့ အပေါ်မီးများများနဲ့ အောက်မီးနည်းနည်းထားပြီး ဖုတ်ရ မှာဖြစ်ပါတယ်နော်။ Oven နဲ့ ဖုတ်မယ်ဆိုရင်တော့ အပေါ်မီး ၂၂၀ နဲ့ အောက်မီး ၁၅၀ လောက်ထားပြီး နာရီဝက်လောက် အရင်ဖုတ်ပေးပါနော်။ နာရီဝက်ပြီးရင် မုန့်အိုးကို ခဏ အပြင်ထုတ်ပြီးတော့ ကျန်တဲ့ထောပတ်နဲ့မုန့်သားမျက်နှာပြင်ကို သုပ်ပေးပါနော်။ ပြီးတဲ့အခါ မုန့်သားအကျက်ညီအောင် အောက်မီးကို ထပ်လျှော့ ၁၀၀လောက်၊ အပေါ်မီးကိုလည်း ထပ်လျှော့ ၁၈၀ လောက်နဲ့ ထားပြီး နောက်ထပ် နာရီဝက်လောက်ကြာအောင် ထပ်ဖုတ်ပေးပါ နော်။ ကိုယ့်စိတ်ထဲ မုန့်သားမနပ်သေးဘူးလို့ ထင်ရင်တော့ နောက်ထပ် ၁၅ မိနစ်လောက် ထပ်ပြီး ထားလို့ရပါတယ်နော်။ မုန့်သားကျက်မကျက်သိချင်ရင်တော့ ဓားဦးချွန်လေးနဲ့ မုန့်ဗန်းထဲ ထိုးထည့်လိုက်၊ မုန့်သားတွေ ဓားမှာ ကပ်ပါမလာဘူးဆိုရင်တော့ အိုကေပြီနော်။ ပြီးရင်တော့ မုန့်သားလုံးဝအေးသွားအောင် စောင့်ပြီးမှ မုန့်လှီးပါနော်။ နောက်မဟုတ် ရင် မုန့်သားတွေ ပဲ့ကြေပြီး အတုံးမပေါ်ဘဲ ဖြစ်တတ်ပါတယ်နော်။
အဲ့ဒါဆိုရင်တော့ အောက်ခြေ အနီရောင်၊ အပေါ်လွှာ အ၀ါရောင်လေးနဲ့ ငှက်ပျောသီး ဆနွင်းမကင်းရပါပြီနော်။ ငှက်ပျောသီးလေးတွေက လှီးလိုက်တိုင်း အကွင်းလေးလိုက်လေး တွေနဲ့မို့ စားချင်စဖွယ် အနံ့အရသာနဲ့ ပြည့်စုံလှတဲ့ ငှက်ပျောသီး နှစ်လွှာဆနွင်းမကင်းလေး ရပါပြီနော်။ ဘိန်းစေ့ /နှမ်းစေ့ ထည့်ချင်ရင်လည်း ထည့်နိုင်ပါတယ်နော်။ နောက်ပြီး အုန်းဆီချက်နဲ့လည်း တွဲဖက်သုံးဆောင်နိုင်ပါတယ်နော်။
          မှတ်ချက်။ ။ ငှက်ပျောသီးဘာလို့မခြေလဲ ဆိုတော့ ပြည်ပရောက် မောင်နှမတွေအဖို့ ရခိုင်ငှက်ပျောသီးရဖို့ အင်မတန်ခဲယဉ်းပါတယ်။ သီးမွှေးငှက်ပျောသီးကျတော့ အလုံးလိုက် အတိုင်းဆိုရင် သိပ်မွှေးပြီး သူ့ကို  ခြေလိုက်လို့ရှိရင် အခန့်မသင့်ရင် မမွှေးတော့ဘဲ ရော်ဘာနဲ့ ထွက်သွားတတ်ပါတယ်။ အဲ့ဒီအခါ မုန့်ပျက်တယ်တော့ မဟုတ်ဘဲ အနံ့က ဆွဲဆောင်မှု မရှိတော့ဘဲ ဖြစ်တတ်ပါတယ်နော်။ နောက်တစ်ခုက တစ်ချို့က မုန့်ဖုတ်ရင် ကိတ်မုန့်ဖုတ်သလို ရနံ့မွှေးထည့်တတ်ပါတယ်။ ကျွန်မကတော့ မြန်မာ့ရိုးရာမုန့်မို့လို့ အဲ့ဒီလို ရနံ့မွှေးကို အသုံးပြုဖို့ အားမပေးလိုပါဘူးနော်။ မြန်မာ့ရိုးရာအတိုင်း အုန်းသီးနဲ့ထောပတ်လေး ကိုပဲ သုံးပြီး ဆနွင်းမကင်းနံ့ အီအီမွှေးမွှေးလေးအတိုင်း ရရှိအောင်မို့ပါနော်

မှိုပင်စိမ်းမွှေးအစပ်ချက်လေး

  လိုအပ်သောပစ္စည်းများကတော့ ကောက်ရိုးမှို၊ ခရမ်းချဉ်သီး၊ ကြက်သွန်ဖြူ၊ နီ၊ ပင်စိမ်း ရွက်၊ ငရုတ်သီးစိမ်း၊ ဆား၊ နနွင်းမှုန့်အနည်းငယ်၊ ပဲငံပြာရည်အကျဲ၊ ဟင်းခတ်မှုန့် အနည်းငယ်၊ ဆီအနည်းငယ် တို့ပါနော်။
          ကောက်ရိုးမှိုအလုံးလေးတွေကို သန့်ရှင်းရေးလုပ်ပြီးတော့ လေးစိတ်ရအောင် လှီးပါနော်။ ခရမ်းချဉ်သီးကိုလည်း မထူမပါးလေးလှီးပေးပါနော်။ ကြက်သွန်ဖြူနီတို့ကို အခွံနွှာ ရေဆေးပြီး မညက်တညက်လေး ထောင်းပေးပါနော်။ ငရုတ်သီးစိမ်းကိုလည်း အညှာခြွေ၊ ရေဆေးပြီး မညက်တညက်လေး ထောင်းပေးပါ။ ပင်စိမ်းရွက်လေးလည်း ရေဆေးပေးပြီး အညွန့်လေးတွေနဲ့ အရွက်လေးတွေ ခြွေယူထားပါနော်။
          အားလုံးအသင့်ဖြစ်တဲ့အခါကျရင် မီးဖိုပေါ် ဒယ်အိုးတင်၊ ဆီထည့်၊ ဆီပူလာရင် နနွင်းမှုန့်လေးနည်းနည်းခပ်၊ မီးအားကိုလျှော့ပြီး ထောင်းထားတဲ့ ကြက်သွန်ဖြူနီငရုတ်သီးစိမ်း တွေထည့်ပြီး ဆီသတ်၊ ငရုတ်သီးစိမ်းပါတာမို့ သတိထားပြီး မီးအားကို လျှော့နော် မဟုတ်ရင် မွှန်ကုန်မှာစိုးလို့နော်။ ပြီးရင် ခရမ်းချဉ်သီးတွေထည့်ပြီး ဆီသတ်၊ ခရမ်းချဉ်သီးက အားလုံး ကြေစရာမလိုတော့ နွမ်းပြီဆိုရင် မှိုလေးတွေထည့်၊ မီးအားကို ပုံမှန်ပြန်ထား၊ ဆား၊ သကြား၊ ပဲငံပြာရည်အကျဲလေး ထည့်ပြီးတော့ အားလုံးသမအောင်မွှေပြီး ဒယ်အိုးဖုံးအုပ်ပြီး တည်ပေး ပါနော်။ သုံးမိနစ်လောက်ကြာရင် ဒယ်အိုးအဖုံးဖွင့်ပြီး တစ်ခါထပ်မွှေ၊ ပြီးတော့မှ မှိုအိပြီလား ကြည့်၊ အအိလိုသေးရင် ရေနွေးလေး နည်းနည်းလေးဖျန်းထည့်ပြီး အိအောင်ချက်၊ ပြီးတော့ အပေါ့အငန်မြည်း၊ လိုတဲ့အရသာ ထပ်ဖြည့်ပြီး ပင်စိမ်းလေး အုပ်လိုက်ပါနော်။
          အဲ့ဒါဆိုရင်တော့ အနံ့အရသာနဲ့ ပြည့်စုံလှတဲ့ မှိုပင်စိမ်းမွှေးအစပ်ချက်လေး ရပါပြီ နော်။